கவிஞனின்
கண்கள்
வறண்ட பாலையை
கவிதையால்
சோலை செய்யும்
குற்றாலத்தின்
தென்றல்
வறண்ட வாழ்க்கையை
லேசான தழுவலால்
துளிரச் செய்யும்
மலைகள்
காடுகள்
ஆறுகள்
குளங்கள் என உலகின்
அனைத்து மீதும்
தவழ்ந்து விளையாடும் குழந்தை
தென்றல்
வழியில் செல்லும்
அனைவருக்கும்
முத்தமிடும் மழலை
தென்றல்
பூக்களின் உயிர் தென்றல்
இப்பூவுலகத்தின் உயிர் தென்றல்
காற்றில் வரும் தென்றல்
கல் நெஞ்சைக் கரைக்கும் தென்றல்
இசைக்கு மயங்காதோர் இருக்கலாம்
இன்பத் தென்றலுக்கு மயங்காதோர்
இப்பூவுலகில் இல்லை
எங்கே தென்றல் இருக்கிறதோ
அங்கே மக்கள் கூட்டம் இருக்கும்
தென்றல் - மழலைத் தழுவல்
No comments:
Post a Comment